Central SA
Verdagte in hof verwag weens duisende se dwelms─── BLAINE JONES 13:48 Wed, 08 Dec 2021
Die polisie in die Noord-Kaap het op 'n huis in Galeshewe toegeslaan en dwelms ter waarde van R50 000 gekonfiskeer.
‘n Verdagte (26) is in hegtenis geneem en sal binnekort in die Galeshewe-landdroshof verskyn op aanklagte van die hantering van dwelms. Sergio Kock, Noord-Kaapse woordvoerder, sê die polisie het inligting opgevolg. Die perseel van die verdagte in Galeshewe in Kimberley is deurgesoek en Tik is gevind.
"Die Frances Baard-distrikskommissaris, Johan Bean, het die gemeenskap bedank dat hulle die polisie se ore en oë was [in hierdie geval], aangesien dit werklik vennootskapspolisiëring op sy beste uitbeeld," sê Kock.
OFM-nuus
