Hierdie tydperk is egter berug vir 'n styging in ongelukke weens dronkbestuur, aangesien vieringe deur die maand voortduur.

Dit is volgens Rhys Evans, besturende direkteur by Alco - Safe, wat sê met die begin van die vierde golf is 'n strenger toepassing van alkoholwette nodig om die verspreiding van infeksies te bekamp, terwyl paaie ook hierdie feestyd veilig gehou moet word.

Gedurende die feesseisoen is daar 'n groot toename in die hoeveelheid mense wat drink en 'n groot toename in die aantal mense wat op paaie reis. Evans sê syfers toon dat 'n minimum van 20% van noodlottige motorongelukke direk verband hou met dronkbestuur.

Evans sê in Suid-Afrika het ons goeie wette, maar die probleem is dat ons nie daardie wette goed implementeer nie. Hy sê die toepassing van hierdie wette is nie so goed soos wat dit moet wees nie.

Evans sê deur die implementering van strenger padblokkades op 'n gereelde basis, gaan die impak 'n baie groter invloed hê om dronkbestuurders te stop.

"Konsekwentheid is nodig om dit te doen. As mense bewus is dat daar ’n groot kans is dat hulle gestop sal word wanneer hulle drink, sal hulle nie daardie kans neem nie,” sê Evans.

OFM-nuus