Vanaf 28 Oktober tot Saterdag is gemiddeld 202 mm reën in die Bloemfontein omgewing ervaar.

Dit is volgens DA Magaung-raadslid, Rossouw Botes, wat aan OFM-nuus sê dat sommige gebiede buite Bloemfontein in die Vrystaat meer en sommige minder as vooraf genoemde hoeveelheid reën ontvang het.

Botes sê vir die eerste keer in baie jare het die provinsie goeie reënval gedurende Desember gekry, wat damvlakke verhoog het.

“In die Vrystaat het ons daagliks 22 damme gemonitor. 12 van daardie damme is ongeveer +100%. Vier van daardie damme was +90%. Die positiewe van hierdie watervlakke is dat ons boere baie bly is oor die reën. Dit stel hulle in staat om behoorlike beplanning vir die toekoms te doen,” sê Botes.

"Die negatiewe is dat sommige van die Munisipaliteitstrukture sukkel om van die water vir die dorpe te suiwer, en dit kan negatief wees as daar nie binne die volgende paar dae 'n oplossing is nie,” sê Botes.

OFM-nuus