Central SA
Een dood in Kimberley rooftog─── 12:15 Tue, 21 Dec 2021
‘n Rower is dood in ‘n skietery tydens ‘n rooftog by ‘n huis in Kimberley, met een verdagte wat in hegtenis geneem is.
Luidens polisiewoordvoerder Sergio Kock het vyf rowers by ‘n huis ingebreek, die eienaars aangerand, en met ‘n vuurwapen gedreig.
Buurtwaglede het op die toneel aangekom, en ‘n skietery het ontstaan waartydens een van die rowers en ‘n omstander gewond is.
Die rower is later in die hospitaal oorlede.
Kock sê die polisie soek na die ander drie rowers, wat met ‘n vuurwapen en geld gevlug het.
OFM-nuus/Roderick Titus
