Central SA
Augrabies Nasionale Park dagbesoekersarea tydelik gesluit─── 11:00 Tue, 04 Jan 2022
SANParke het 'n kennisgewing uitgestuur dat die Augrabies Nasionale Park se dagbesoekersarea tydelik gesluit is weens die hoë volume water wat reeds teen 2 045 kubieke meter per sekonde vloei.
Die dagbesoekersarea sluit in braaigeriewe en 'n swembad.
Geen sedan-voertuie word ook langer op die wildkykpad toegelaat nie terwyl voertuie met hoë grondvryhoogte toegelaat sal word.
Die parkbestuur noem dat dié beperkings slegs tydelik is en sal opgehef word sodra die water teruggetrek het en die vloei weer terugkeer na normaal.
Die bestuur bedank almal vir hul geduld en begrip.
OFM-nuus/ Mia-leigh Cloete
