Dit is volgens die direkteur vir onderwys in dié streek, Gordon March, nadat die Departement van Onderwys nasionaal aangekondig het dat skole vanjaar in twee fases gaan open.

March sê opvoeding is van kardinale belang en dat sy kantoor alles in hulle vermoëns doen om te verseker dat gehalte onderrig aan die orde van die dag sal wees. 

Hy voeg by dat die departement gaan verseker dat streng Covid-19 regulasies ten alle tye nagekom word, en moedig ouers aan om nie kinders onnodig tuis te hou nie. 

March sê die departement bied waar nodig ondersteuning aan skole om skoolverlaters terug in die skoolbanke te kry. 

Hy sê jongmense in die ZF Mgcawu-streek moet skouer aan die wiel sit om deur middel van opvoeding hulle en die gemeenskappe waarin hulle woon, se omstandighede te verbeter.

OFM-nuus/Roderick Titus