Die koning is saam met twee ander persone - 'n man en 'n vrou - in hegtenis geneem. 'n Klein groepie Khoisan-gemeenskapslede het in tente meters van die standbeeld van oud-president Nelson Mandela begin kamp om die aandag van president Cyril Ramaposha te kry oor kwessies wat grond, taal en die herstel van hulle identiteit insluit. 

Koning Khoisan en sy vrou, koningin Cynthia, was sedert 2018 voor die Uniegebou. Die woordvoerder van die Suid-Afrikaanse Polisiediens, Brigadier Vish Naidoo, en ook dié van president Cyril Ramaposha, Tyrone Seal, was nie vir kommentaar beskikbaar nie. Die Sekretaris-Generaal van die Khoisan-revolusieparty, Cornelius Vernon Peterson, het op sy beurt aangevoer dat die koning nie simpatie van die breë gemeenskap kan verwag nie, gegewe die oortreding wat begaan is. Hy sê die eiendom waarop die koning is, is openbare eiendom en wetgewing moet ten alle tye gerespekteer word. Leiers moet ook nie tendense skep waar hulle die wet oortree en nie daarvoor verantwoordelik gehou word nie. Peterson sê enige persoon, ongeag wie en watter posisie hy of sy beklee, moet wetsgehoorsaam wees.

OFM-nuus