Die woordvoerder van die Valke, Thandi Mbambo, sê daar word beweer dat 'n sekuriteitsbeampte Sondag 'n inbreker in die gebou opgemerk het en ondersteuning van ander sekuriteitswagte aangevra het.

Daar word verder beweer dat die verdagte die veiligheidsbeamptes aangeval het en een beampte het daarin geslaag om sy amptelike vuurwapen uit te trek en die verdagte te skiet.

Parkweg-polisie en nooddienste is na die toneel ontbied en die verdagte is na 'n plaaslike hospitaal geneem vir behandeling, waar hy tans onder polisiebewaking is. 'n Aparte saak van poging tot moord sal deur Parkweg-speurders ondersoek word.

Die verdagte sal na verwagting binnekort in die hof verskyn.

OFM-nuus