Die 32-jarige Floors Matthys is ná ‘n uitgebreide polisie soektog in Pabalelo, Upington, vasgetrek. Hy staan tereg op aanklagte van verkragting en inbraak en was juis besig om uitwysings te maak as deel van die polisie se ondersoek, toe hy ontsnap het. 

Matthys het tydens 'n vorige hofverskyning, op die 8ste April vanjaar, sy borgtogaansoek laat vaar. Die aanklagte hou verband met ‘n aanval op ‘n 60-jarige vrou in Januarie verlede jaar. 

Polisiewoordvoerder Sergio Kock, sê Matthys gaan weer binnekort in die landdroshof op Upington verskyn. 

OFM-nuus/Roderick Titus