Central SA
ZF Mgcawu uitvoerende burgemeester deur Valke in hegtenis geneem─── 07:00 Sat, 18 Jun 2022
Die adjunkvoorsitter van die ANC in die ZF Mgcawu-distrik in die Noord-Kaap, wie ook die uitvoerende burgemeester van die ZF Mgcawu-distriksmunisipaliteit is, is volgens die Valke een van die vier verdagtes wat in Upington in hegtenis geneem is.
OFM-nuus se Roderick Titus berig Marius Louw is deel van die vier verdagtes wat Vrydagoggend vir korrupsie in hegtenis geneem is nadat 'n motorfinansieringsmaatskappy, Wesbank, vanuit motorversekering ter waarde van meer as 'n miljoen rand bedrieg is.
LEES OOK: Vier in hegtenis geneem nadat hulle finansieringsmaatskappy bedrieg
Die Valke se Kaptein Tebogo Thebe sê in 'n verklaring dat Louw op R5 000 borgtog vrygelaat is, gevolg deur sy vrou, Gertrude Louw, op R1 000. Dit, terwyl Bernadette Isaks ook op R1 000 en Steven Beukes op R5 000 borgtog vrygelaat is.
LEES OOK: ZF Mgcawu Speaker reageer op beweerde inhegtenisname van burgemeester
Die verdagtes verskyn weer in die hof in Upington op die 11de Julie vanjaar.
