Die Noord-Kaapse polisie het op ‘n wenk gereageer en 'n wit Toyota Quantum op die N8 afgetrek en deursoek.

Hulle het beslag op 980kg koperkabels gelê, sowel as die voertuig.

’n 43-jarige man van Aliwal-Noord is in hegtenis geneem. Polisiewoordvoerder Dikeledi Gopane sê die polisie het hul optrede in die aanloop tot die feesgety verskerp.

Daar is reeds verskeie misdaadvoorkomingsoperasies en padblokkades in die provinsie uitgevoer.

Intussen sal die verdagte binnekort in die Kimberley-landdroshof verskyn.

OFM-nuus/Roderick Titus