Postbank het 'n beroep op begunstigdes gedoen om gerugte dat die Suid-Afrikaanse Agentskap vir Maatskaplike Sekerheid (Sassa) se goue kaart nie meer werk nie, te ignoreer.

Postbank het OTM-onttrekkings op Sassa-kaarte in Desember tydelik opgeskort, wat sommige ontvangers van die noodtoelae gefrustreerd gelaat het. 

Postbank sê daar was 'n stelselfout wat sedertdien opgelos is en begunstigdes kan voortgaan om toegang tot hul geld te kry by OTM'e, kleinhandelaars sowel as oor die toonbank by die Poskantoortakke.
29 miljoen Suid-Afrikaanse burgers ontvang Sassa-toelaes.

OFM-nuus/Roderick Titus