Die verdagtes is aangekla van poging tot moord, diefstal, roof, huisbraak en aanranding met die opset om ernstig te beseer. Hulle word ook gesoek vir die oortreding van beskermingsbevele.

Die verdagtes het versuim om, soos gedagvaar, in die hof te verskyn en is volgens sers. Timothy Sam in die vroeë oggendure by hulle onderskeie huise in en om Roodepan in hegtenis geneem.

Sam sê die polisie merk toenemend dat verdagtes versuim om hofdatums te eerbiedig.

Hy sê dié gedrag is ontoelaatbaar en die polisie sal nie skroom om borgtog tydens hofverskynings teen te staan nie.

 OFM-nuus/Roderick Titus