Central SA
Kuruman-polisie lê beslag op 63 dobbelmasjiene─── 05:31 Mon, 06 Mar 2023
FOTO: Ter illustrasie
Lede van die Kuruman se openbare-orde polisiëringeenheid het vyf verdagtes in hegtenis geneem nadat hulle ‘n vragmotor met 63 onwettige dobbelmasjiene voorgekeer het.
Die polisie het inligting opgevolg en die vragmotor by ‘n vulstasie in Kagung buite Kuruman opgemerk en dit in die dorp voorgekeer, sê die polisiewoordvoerder, Sergio Kock.
Die polisie het 63 dobbelmasjiene, 154 muntvoerders en ander verwante toerusting in die vragmotor gevind en daarop beslag gelê. Ná raming is die items sowat R439 000 werd.
Die kommissaris van die John Taolo Gaetsewe-distrik, Johnny Besnaar, het die polisie geloof vir hul oplettendheid en die vinnige reaksie om die verdagtes op te spoor en aan te keer.
