Die 46 lede van Noordwes se skoleswemspan het met armsvol medaljes, 39 in totaal, van Durban teruggekeer waar hulle aan die Suid-Afrikaanse skole-swemkampioenskap deelgeneem het.

Die swemmers is tussen 12 en 19 jaar oud en het te midde van sterk mededinging van swemmers van Gauteng, KwaZulu-Natal en die Wes-Kaap goeie rekenskap van hulself in die verskillende afdelings gegee.

Hulle het sewe goue, 17 silwer- en 15 bronsmedaljes gewen, tot groot blydskap van ouers, onderwysers, afrigters en ondersteuningspersoneel wat deel was van die Noordwesspan.

Die Noordwes se skoleswemspan was baie suksesvol op die Suid-Afrikaanse skoleswemkampioenskap in Durban. FOTO: Verskaf

“Ons moedig ouers aan om hul kinders in sportsoorte soos watersport te ondersteun. Hulle kan selfs 'n bestaan maak deur sport te beoefen, aan die Olimpiese Spele en ander wêreldkampioenskappe deelneem en so ons pragtige land verteenwoordig. Ons is trots op ons seuns en dogters.”

OFM-nuus