Central SA
Beskuldigde in liefdesdriehoek-saak gevonnis─── 09:52 Fri, 28 Apr 2023
Die 49-jarige Keamogetse Johannes Dithae is in die Kuruman Streekshof tot 12 jaar gevangenisstraf gevonnis vir die moord op ‘n 37-jarige man in Desember 2022.
Die Hof het gehoor die voorval het voortgespruit uit ‘n liefdesdriehoek.
Die oorledene was in ‘n verhouding met Dithae se vorige meisie. Dithae het die man met ‘n mes aangeval nadat hy hom en die vriendin genader het.
Die John Taolo Gaetsewe bevelvoerder, Majoor Generaal Johnny Besnaar, het ondersoekbeampte Mojaki Obed geloof vir sy ondersoek, wat tot die vonnisoplegging gelei het.
OFM-nuus/Roderick Titus
