Central SA
LUISTER – SEL 35: Die Thabo Bester-storie – Episode 7─── 09:26 Fri, 19 May 2023
Hoe maak ’n gevangene – soos die verkragter en moordenaar Thabo Bester – meer geld uit sy sel as miljoene hardwerkende Suid-Afrikaners daarbuite?
En hoe omseil Bester finansiële instellings se regulasies, asook Jan Taks se valkoë? Is dit dalk nog van die redes waarom hy hom nie by Binnelandse Sake laat registreer het nie? Of moet die vangnet selfs wyer gespan word vir nog medepligtiges in die finansiële wêreld?
Dit lyk inderdaad of dié ’n geval is van “geld wat stom is, maak reg wat krom is”.
(Hierdie episode is saamgestel met inligting en argiefklank verkry uit verskeie openbare nuusbronne, soos die, SAUK, eNCA, GroundUp, The Citizen, Newzroom Africa, YouTube en ZANews.)
Volg dié skakel om na vorige episodes te luister: https://bit.ly/OFMSel35
