Central SA
LUISTER – SEL 35: Die Thabo Bester-storie – Episode 8─── 10:39 Tue, 23 May 2023

Die swendelaar Thabo Bester se verlede het hom ingehaal en was moontlik indirek die rede waarom hy ’n plan moes bedink om finaal sy vryheid te probeer koop.
Was dit nie vir gewone Suid-Afrikaners se verslagdoening, speurvernuf en oplettendheid nie, het hy moontlik weggekom met sy grootste slenter tot nog toe.
Op vele terreine begin Bester se tyd uitloop – of dit nou oudregter Edwin Cameron is wat inligting aan joernaliste uitlek, Magudumana wat hom inlig joernaliste en speurders is warm op sy spoor, of Suid-Afrika se aktiewe burgery wat Bester se bewegings begin beperk – hy raak desperaat, en begin werk aan sy grootste slenter. Hy begin sy eie bedrieglike dood beplan ten koste van talle slagoffers en hul naasbestaandes – die tyd sal leer wie almal betrokke was. Die waarheid haal Bester en sy medepligtiges stadig maar seker in.
(Hierdie episode is saamgestel met inligting en argiefklank verkry uitverskeie openbare nuusbronne, soos André Snyman se eblockwatch Facebook-blad en'n Sunday Times-artikel.)
Volg dié skakel om na vorige episodes te luister: https://bit.ly/OFMSel35
OFM Nuus