Central SA
Mangaung-raadslid se hartoperasie suksesvol─── KEKELETSO MOSEBETSI 15:04 Tue, 06 Jun 2023
’n DA-raadslid in Mangaung, Rossouw Botes (65), het 'n suksesvolle hartoperasie in die Christiaan Barnard-hospitaal in Kaapstad ondergaan nadat hy nie 'n geskikte hartskenker kon kry nie.
OFM Nuus het vroeër berig Botes se operasie was vir Vrydag (2/6) geskeduleer omdat hy weens sy ouderdom nie vir ’n hartoorplanting in aanmerking kom nie.
Johan Pretorius, Mangaung-DA-koukusleier, het vroeër gesê 'n nuwe pomp moes in sy hart geplaas word om te help om die bloed in sy hart te pomp.
Pretorius sê Botes se hartoperasie is ’n sukses en dat hy goed reageer. Hy bly eers in die intensiewesorgeenheid, waar hy aan ’n ventilator gekoppel sal wees totdat hy nie meer gesedeer word nie.
LEES OOK: DA wens Rossouw Botes sterkte toe met hartprosedure
Pretorius het die publiek bedank vir hul ondersteuning van Botes, sy familie, die party en vir hul gebede in hierdie tydperk. Hy sê Botes se toestand is stabiel.
