Beplande kragonderbrekings gedurende die dag sal opgeskort word maar fase 3 sal in die middae geïmplementeer word.

“Weens konsekwente, beskikbare opwekkingskapasiteit sal beurtkrag steeds vanaf middernag tot 16:00 opgeskort word en fase 3-beurtkrag sal van 16:00 tot middernag plaasvind,” sê Eskom-woordvoerder, Daphne Mokwena.

Die patroon sal na verwagting daagliks herhaal word tot verdere kennisgewing.

Die minister van elektrisiteit, Kgosientsho Ramokgopa, sê 29 000 MW se kapasiteit is op die netwerk beskikbaar, 'n verbetering van sowat 1 300 MW, of een fase van beurtkrag.

Ramokgopa het Sondag die media ingelig oor die vordering van die regering se energie-aksieplan. Hy het gesê die netwerk is nou in die herstelfase ná positiewe verwikkelinge.

“Positiewe verwikkelinge op verskeie gebiede het bygedra tot ’n bestendige, stabiele en algemene verbetering met die huidige vooruitsig van geen beurtkrag vir 16 uur van die dag nie, en fase 3 vir agt uur per dag.

"Ons het 'n hoë aanvraag op 28 Junie bereik, op 31 000 MW, maar nou begin ons plato op 29 000 MW."

Ramokgopa het bygevoeg dat herstel in opwekking beteken het dat Eskom beplande instandhouding in die winter kon opskerp.

“Ons diagnoseer die situasie om vas te stel waar die mislukkings van hierdie eenhede is, en kyk dan na die algemene probleme. Ons het gevind dat ketelbuislekkasies die groot sondebok is en ons het die kundigheid om dit aan te spreek.

Ramokgopa het gewaarsku dat die vraag na elektrisiteit na verwagting sal toeneem namate meer mense aan die netwerk gekoppel word, wat beteken die kwessie van transmissie moet aangespreek word.

OFM Nuus