Theys is skuldig bevind aan die oortreding van art. 86(1) van die Wet op Openbare Finansiële Bestuur nadat hy drie huurooreenkomste van meer as R13 miljoen met JP Hugo Trading aangegaan het sonder om die wettige voorskrifte en aankoopprosesse te volg.

Harold McGluwa, DA-leier in die Noord-Kaap, sê Theys is gevonnis tot R150 000 of drie jaar tronkstraf waarvan R100 000 of twee jaar opgeskort is op voorwaarde dat hy nie in die tydperk ’n soortgelyke oortreding begaan nie.

Hy sê premier Zamani Saul het die afgelope paar jaar probeer om die erns van oortredings van finansiële wetgewing te minimaliseer. Hy beweer Saul het goed geweet dat Theys met ’n swak rekord onder ’n donker skadu van finansiële ongerymdhede staan. Maar hy het steeds voortgegaan om hom in ’n magsposisie te plaas.

OFM Nuus