Naasbestaandes sal Vrydag (9/1) toegelaat word om hul geliefdes te identifiseer wat omgekom het in die brand in Johannesburg se middestad.

Die Gautengse gesondheidsdepartement sê families van die slagoffers kan van Vrydag af die Diepkloof-lykshuis in Soweto besoek om hul geliefdes uit te ken.

Meer as 70 mense is onherkenbaar verbrand toe vlamme ’n gebou in Marshalltown verswelg het wat onwettig beset is. Die departement sê die Gautengse forensiese patologiedienste sal die digitale vingerafdrukstelsel gebruik om onbekende liggame te identifiseer wat sigbare vingerafdrukke het.

Die liggame wat onherkenbaar verbrand het en sonder vingerafdrukke is, sal deur ’n DNS-proses uitgeken word.

VIDEO | Former Johannesburg mayor and leader of ActionSA Herman Mashaba says the fire that killed 73 people in the Johannesburg CBD could have been avoided had city officials taken the issue of abandoned buildings seriously. #jhbfirehttps://t.co/xC6kPECRFO pic.twitter.com/iTc49NL36m

— SABC News (@SABCNews) August 31, 2023

“Van 09:00 tot 15:00 kan gesinne na die lykshuis kom. Dit sal ook die naweek oop wees. Daar sal ook beradingsdienste vir die bedroefde gesinne wees. Familielede, of familielede wat hul geliefdes wil kom identifiseer, moet hul oorspronklike ID-dokument en die ID van die oorledene of geboortesertifikaat hê. As die oorledene ’n buitelander is, ’n paspoort, of ’n asielsoekerspermit.”

Intussen sê Panyaza Lesufi, premier van Gauteng, hy beoog om 'n komitee van ondersoek in te stel om die brand te ondersoek. Die voorkoms van gekaapte geboue in die stad sal ondersoek word. Hulle moet ook bepaal wie verantwoordelik vir die brand was.  Lesufi en Ronald Lamola, minister van justisie en korrektiewe dienste, sal saamwerk.

?? #JoburgCBDFire | ?? #JoburgCBDFire | President Cyril Ramaphosa on a site visit to assess the damage from the fire tragedy at a residential building in Marshalltown, Johannesburg pic.twitter.com/MDeMeni7L1

— South African Government (@GovernmentZA) September 1, 2023

OFM Nuus