Dit is Smile Week by die Universitas Akademiese Hospitaal waar dokters 22 kinders help om weer te kan glimlag. Dr. Nikita Blake, ’n plastiese en rekonstruktiewe chirurg, sê van die kinders het ’n gesplete verhemelte of ’n gesplete lip.
 
Arianna Botha (8) van Sasolburg is egter in September 2022 deur hul hond gebyt. Sy moet nou ’n operasie aan haar skedel ondergaan om voor te berei vir toekomstige prosedures. Haar ma, Aileen, sê haar dogter bly steeds lief vir die kamera.

Arianna Botha (8) van Sasolburg bly steeds lief vir die kamera, sê haar ma. Foto: Heidrè Malgas

“Sy is deur ’n hond aangeval en is vir drie maande twee keer per week geopereer om haar kop, oog en oor reg te kry en veloorplantings te doen,” sê Botha.

Mondli Mvambi, woordvoerder vir die Departement van Gesondheid, saam met een van die pasiënte. Foto: Heidrè Malgas

Nokwanje Leeto, LUR vir gesondheid, sê alle stigtings en borge wat tydens hierdie geleenthede kom help, help mense wat nie gesondheidsorg kan bekostig en verkies om na staatshospitale soos die Universitas Akademiese Hospitaal te gaan.

Baie van die kinders het ’n gesplete verhemelte of ’n gesplete lip. Foto: Heidrè Malgas

Blake bedank almal betrokke wat help om hierdie jong kinders weer te kan laat glimlag.

OFM Nuus/Heidrè Malgas