Central SA
Man skuldig aan poging tot moord op baba in Kimberley─── 15:19 Thu, 19 Oct 2023
Basie Mock van Galeshewe, Kimberley, is tot vier jaar tronkstraf gevonnis.
Die beskuldigde het betrokke geraak in ’n argument tussen sy bure. In ’n poging om in te gryp, het hy ’n klip na die paartjie gegooi maar die ses maande oue baba getref.
Basie Mock (39) van Galeshewe, Kimberley, is tot vier jaar tronkstraf in die streekhof gevonnis nadat hy betrokke geraak het in ’n rusie tussen ’n paartjie. Hul ses maande oue baba het in die proses ’n breinbesering opgedoen.
Molefi Shemane, polisiewoordvoerder, sê die voorval het op 14 Januarie plaasgevind toe Mock betrokke geraak het in die argument tussen sy bure. Hy het ’n klip na die paartjie gegooi maar in die proses die baba getref.
Die polisiebestuur is tevrede met die vonnis wat aan die oortreder opgelê is.
