Die studenteraad van die Noordwes-Universiteit se Vanderbijlpark-kampus is ná ’n tugverhoor ontbind.  Die bevindings teen die 15 studenteraadslede is ingevolge par. 3.1 van die NWU se handleiding vir studentedissipline gemaak.

Die komitee het hulle almal skuldig bevind aan wangedrag. Die besluit is op 3 April geneem en die kampusbestuur is daaroor ingelig. 

‘Oortredings hou verband met onrus in Februarie’

Die oortredings hou verband met die onrus in Februarie op die kampus, sê Louis Jacobs, NWU-woordvoerder. Dit beteken daar is nou 15 vakatures in die Vanderbijlparkse studenteraad. 

Die studentegemeenskap sal op hoogte gehou word met die vordering van die aanstellings, sê Jacobs.

OFM Nuus dg