Central SA
Vanderbijlpark-onderwyseres praat ná skorsing weens belediging─── CHARNÉ VAN DER MERWE 10:35 Tue, 07 May 2024
“Die onderwyseres se gedrag het Curro se etiese kode oortree en die aanbeveling van afdanking stem ooreen met vorige gevalle waar onderwysers leerders verkleineer het.”
Die onderwyseres van Curro Vanderbijlpark, wat verhoor is omdat sy ’n leerder beledig het en skuldig bevind is aan wangedrag, het vir die eerste keer in die openbaar oor die voorval gepraat.
Curro Holdings het daarop gereageer deur te bevestig dat Kavitha Reddy skuldig bevind is aan onbetaamlike gedrag en reeds in Maart 2023 afgedank is. Dit was ná ’n voorval waar sy glo aan ’n leerder gesê het dat sy soos ’n “idioot” (idiot) lag.
Reddy was hoof van lewenswetenskappe by die skool.
Die voorval het op 16 Februarie 2023 in ’n gr. 11-klaskamer plaasgevind, en later, tydens die tugverhoor twaalf dae later, het Reddy nie die aanklagte ontken nie.
Haar gedrag het Curro se etiese kode oortree en die aanbeveling van afdanking stem ooreen met vorige gevalle waar onderwysers leerders verkleineer het, sê Joy Smith van Curro. “Die besluit van die tugverhoor is in ’n interne appèl bekragtig, en ’n klag wat by die KVBA ingedien is, wat vir versoening geskeduleer was, is op 13 April 2023 deur Reddy teruggetrek.”
“Curro glo elke kind maak saak en ons respekteer die grondwetlike opdrag om die regte van kinders te beskerm. Ons huiwer nie om vinnig en prosedureel-billik op te tree wanneer ons beleidstellings, wat ontwerp is om ons leerders te beskerm, oortree word nie en sal aanhou om dit te doen.”
“The Curro Protea Glen black teacher who was called a monkey by her former white boss plunged into depression a few days after she was racially abused.
— Mr. Tshweu (@TshweuMoleme) September 5, 2023
Nonkululeko Gwatyu, an English teacher at a high school of Curro Academy in Soweto, also suffers from trauma after Shanette… pic.twitter.com/xMhNbpjSSd
Die voorval volg kort nadat Curro Academy Protea Glen in Soweto die Engels-en-geskiedenisonderwyseres in 2023 afgedank het nadat sy voor ’n tugverhoor ook aan wangedrag skuldig bevind is. Nonkululeko Gwatyu is ontslaan omdat sy laat was vir skool en verlof geneem het sonder om die skool in kennis te stel.
NDABANEWS: BREAKING - Curro Protea Glen school boss Shanette Tiquin is in hot water after a complainant whom she had called a monkey opened a criminal case against her.
— Thulani Ndaba (@tndaba) August 9, 2023
Nonkululeko Gwatyu, an English teacher at the school, opened a case of racism against Tiquin at the Protea… pic.twitter.com/qiqGdX4mnG
Tydens ’n konfrontasie met Shanette Tiquin, die uitvoerende hoof van die skool oor Gwatyua se gedrag, het Tiquin haar glo ’n aap genoem.
Gwatyua het beweer sy is afgedank omdat sy opgestaan het teen Tiquin se beweerde rassistiese opmerking. Tiquin self is ook in Augustus 2023 uit haar pos ontslaan.