Hulle is Donderdag (16/1) as vermis aangemeld nadat hul maatjie (11) hulle laas by die rivier gesien het. Die polisie op Bothaville het ’n ondersoek geopen ná die verdrinkings. 

#sapsFS Police in Bothaville have opened an inquest following the drowning of two girls aged 7 and 10 years, that occurred at Vals River, Bothaville on 16/01. A third girl (11) managed to cling onto a tree stem. Police divers were summoned to the scene and worked tirelessly to… pic.twitter.com/8M27vFGgUF

— SA Police Service ???? (@SAPoliceService) January 16, 2025

Nadat die voorval aangemeld is, is ’n soektog dadelik van stapel gestuur. Na bewering is die meisies deur strome in die Valsrivier meegesleur. 

Die elfjarige het egter daarin geslaag om aan ’n boomstam vas te klou. Polisieduikers is na die toneel ontbied en het onverpoosd gesoek na die liggame van die oorledenes, sonder sukses.

Die soek-en-reddingspan is versterk met ondersteuning van die polisie se lugvleuel. Twee liggame is gevind en op die toneel deur nooddienspersoneel dood verklaar. 

Die twee oorledenes is positief deur hul naasbestaandes uitgeken. Op versoek van die families kan die name van die oorledenes nie bekend gemaak word nie.

In Noordwes het Tshiamo Mompate (2) Woensdag (15/1) naby die plaas Rooikuil by Hartbeesfontein verdwyn. Sy het ’n grys T-hemp met oranje patrone en ’n blou denim aangehad. 

Enigiemand met inligting kan ao. E. Victor by 060 967 3965 nader. Bel Stop Misdaad by 08600 10111 of stuur inligting op die MySAPS-app.

OFM Nuus cg/mvh