Kuns­terapie is ’n sielkundige benadering waarin kuns as uitdrukkingsmiddel gebruik word om emosies te verwerk en selfbewustheid te bevorder, vertel Rozanne aan Yolanda Martens. Volgens haar is daar ’n natuurlike neiging by mense om te skep – iets wat reeds by kinders waarneembaar is. 

Kreatiewe werk, soos teken, verf of selfs handwerk, help mense om hulself uit te druk en hul selfbeeld te bou. 

Rozanne Myburgh. Foto: Facebook

“Dit gaan nie oor die eindproduk nie, maar oor die proses,” sê sy. Die terapeut help om die kunswerk te interpreteer en vrae te stel wat selfinsig bevorder.

In haar werk met kinders in Johannesburg sien sy hoe selfvertroue toeneem namate kinders groter sketse begin teken, meer kleur gebruik en meer ruimte in beslag neem. Hierdie veranderinge weerspieël dikwels ’n goeie verskuiwing in hul daaglikse lewe.

Rozanne moedig mense aan om weekliks iets kreatiefs te doen – of dit nou skryf, brei, tuinmaak of handwerk is. Jy hoef nie ’n kunstenaar te wees nie; dit gaan oor die vreugde van maak en die terapeutiese waarde daarvan.

Vir nog besonderhede oor kunsterapie en Rozanne se werk, besoek ofm.co.za en klik op Get Wise Wednesday onder Special Interest.

OFM Nuus mvh