Health
Get Wise Wednesday: Stap maak jou gees gesond – Erns Grundling─── 07:30 Wed, 27 Aug 2025
Die reisjoernalis Erns Grundling vertel as deel van Get Wise Wednesday aan die Good Morning Breakfast-span dat sy ervarings op die Camino hom laat besef het hoe belangrik stap vir liggaam en gees is.
Erns sê die eenvoudige ritme van stap help ’n mens om te ontspan, spanning te verwerk en jou kop skoon te kry. Dit help jou om jou uit jou roetine te kry, omdat dit jou los maak van jou werk en digitale afleiding soos “doom scrolling”.
Hy verwys na die oorvloed navorsing wat wys hoe goed oefening vir jou geestesgesondheid is.
Volgens hom is stap nie net goeie oefening nie, maar dit bring ook ’n gevoel van duidelikheid en vrede. Hy haal die Latynse spreekwoord aan “Solvitur ambulando”, wat beteken “dit word opgelos deur te stap”.
Op die progam word ook verwys na die Apple-ikoon wyle Steve Jobs wat bekend was daarvoor dat hy “stapvergaderings” gehou het, omdat stap jou kreatief laat dink en nuwe idees laat opkom. Erns sê hy vind sterk aanklank hierby.
Hy beklemtoon stap is nie net vir fiksheid nie, maar ook ’n belangrike hulpmiddel vir geestesgesondheid. Vir hom is staptogte soos die Camino dus nie net ’n fisieke reis nie, maar ’n manier om balans en gesondheid in die lewe terug te vind.
Vir nog, gaan na ofm.co.za en klik op Get Wise Wednesday.
OFM Nuus cvs/mc/mvh
