Die twee gesels oor hoe om eenvoudig te begin, met twee fundamentele pilare van welstand: beweging en voeding. Heuer beskik oor ’n honneursgraad in sportwetenskap en meer as ’n dekade se praktiese afrigtingservaring. 

As hoofafrigter van Resuelto Fitness kombineer hy akademiese kennis met ’n passie vir mense. 

Sy benadering is eenvoudig, maar diep: Om mense te help om beter te beweeg, sterker te voel en hul volle potensiaal te bereik.

Robbie Heuer. Foto verskaf

Om eenvoudig te begin

“Die geheim lê daarin om net te begin,” verduidelik Heuer. “Jy hoef nie alles reg te hê nie – jy moet net beweeg. Jou liggaam is gemaak om te beweeg, en elke klein stap skep momentum.”

By Resuelto Fitness is daar minder fokus op hoe jy lyk, en meer op wat jy bereik. Hier word vordering gemeet in krag, gewoontes en volhoubare verandering – nie in oppervlakkige vergelykings of tydelike resultate nie.

Fiksheid ’n gemeenskapsreis

Heuer glo dat gesondheid nie in isolasie gebeur nie. “Wanneer jy saam met ander beweeg en ondersteuning het, raak gesondheid deel van jou leefwyse – nie net iets wat jy probeer doen wanneer jy tyd het nie.”

Vir hom is fiksheid ’n lewenslange reis, nie ’n vinnige naelloop nie. Met die regte leiding, aanmoediging en gemeenskap kan elke persoon ’n gesonder, sterker weergawe van hulself ontdek.

Wil jy ook begin? Luister na die volledige gesprek hier: 

 Wealth & Wellness Wednesdays saam met Pulane Nel-Sekepe. Kontak Robbie Heuer by https://resueltofitness.co.za/ om jou eie gesondheidsreis te begin.

OFM Leefstyl cvs