National
Hengelaar deur haai gebyt wat hy in kompetisie vang─── 16:46 Sat, 12 Apr 2014
'n Hengelaar is in 'n hospitaal in die Oos-Kaap opgeneem nadat hy vanoggend deur 'n haai by Port Alfred gebyt is.
Woordvoerder vir die nasionale seereddingsinstitut, Juan Pretorius, sê 42-jarige Lionel McDougall van Port Elizabet is vroegoggend deur 'n spikkel-skeurtandhaai, wat hy by die Rufane-rivier gevang het, op sy linker knie, enkel en hand gebyt.
Mede-hengelaars het op die toneel na sy wonde omgesien voordat hy na 'n plaaslike hosptiaal geneem is. Pretorius sê McDougall het aan 'n hengelkompetisie deelgeneem toe hy gebyt is.
Die haai is meer as twee meter lank. 'n Haai-tand wat in McDougall se knie vasgesit het, moes chirurgies verwyder word.
Sapa, mediaverklaring
