Agriculture
Positiewe vertoning in SA wolmark ten spyte van versterking in Rand─── 05:00 Fri, 25 Feb 2022
Die Suid-Afrikaanse wolmark het vandeesweek positief vertoon ten spyte van ‘n 2% styging in die Rand teenoor die VSA-Dollar.
Sien onderstaande PODCAST
Heinrich Victor, senior wolbemarker by OVK, sê die Cape Wools Merino aanwyser het met 0,5% vir nie-RWS en 0,8% vir RWS wol gestyg, teenoor die vorige veiling en teen 'n skoonprys van R166.24/kg en R197.07/kg, onderskeidelik gesluit.
Hy sê die grootste verandering die week, was in die 22,5 mikron segment, met 'n algemene styging van 2,3%.
In totaal was daar 6 293 bale aangebied, waarvan 95,0% verkoop is.
“Op die OVK veiling is 1 797 bale aangebied, waarvan 97,9% verkoop is.
“Die hoogste prys op die OVK-veiling, van R186,10/kg, is behaal vir ‘n 1 baal lot BH van 16,7 mikron, uit die skeersel van Maluti Wool & Mohair Centre vanuit die Maseru distrik, Lesotho.
“Die koper was Tianyu SA,” deel Victor.
Skakel gerus met OVK om u by te staan in die RWS-sertifiseringsproses.
Die volgende wolveiling is vir 2 Maart 2022 geskeduleer. Maar hierdie datum mag dalk verander weens voortdurende logistieke uitdagings wat uitvoerders in die gesig staar.
OFM-nuus
