Mielies:

Die CBOT-mieliekontrakprys vir die naaste handelsmaand het Maandagoggend met 0,03% gestyg.

Die stadige begin van Amerikaanse aanplantings het fundamentele ondersteuning aan mieliepryse gegee. Amerikaanse produsente het egter ingehaal en is besig om die plantseisoen onder gunstige toestande af te sluit. Droër weer in die VSA het hul plantvordering vir die 2022/23-seisoen aangehelp. Wêreldwye mielievoorraad bly 'n bekommernis. In die toekoms sal mededingendheid in vergelyking met ander voergrane, sowel as bio-etanol-marges, vraagkykpunte wees.

Die plaaslike SAFEX-mieliekontrakte het Maandag skerp opwaarts verhandel vir beide wit- en geelmieliekontrakte. Die witmieliemark het, vir lewering in Julie 2022, R107/ton (+ 2,42%) geklim om teen R4 522/ton te sluit. Die geelmieliemark het vir lewering in Julie 2022, R106/ton (+ 2,35%) hoër te verhandel en teen R4 623/ton te sluit. Vir die week wat op 3 Junie geëindig het, is 'n totaal van 52 026 ton mielies uitgevoer. Daarvan was 49 446 ton witmielies en 2 580 ton geelmielies. Geelmielies bly effens agter die uitvoertempo wat nodig is om plaaslike uitvoervoorspellings te bereik. Slegs 8% van geelmielie voorspelde uitvoer is uitgevoer, terwyl 18% van witmielie voorspelde uitvoer vrygestel is.

Sojaboon:

Die CBOT-sojaboonkontrakprys vir die naaste verhandelingsmaand het Maandagoggend met 1,3% gedaal.

Die nuwe Amerikaanse sojaboonoes kan dalk 'n deksel hou op verhoogde pryse met die aansienlik hoër aangeplante hektare van sojabone vanjaar. Ons sal egter eers aan die einde van Junie 'n aanduiding van opbrengs hê. Sterk produksie sal help om die wêreldwye vraag te bedien. Die Amerikaanse vraag na biobrandstofproduksie kan Amerikaanse uitvoervoorrade belemmer - wat op die oomblik dopgehou word vir sy vermoë om die uitvoergaping te vul wat geskep word deur laer opbrengste in Brasilië en Argentinië.

Die binnelandse sojaboonkontrakte het Maandagoggend met effense afwaartse tendense verhandel. Die plaaslike sojaboonmark het vir lewering in Julie 2022 met R37/ton (- 0,40%) laer verhandel om uiteindelik op R9 285/ton te sluit.

Koring:

Die CBOT-koringkontrakprys vir die naaste handelsmaand het Maandagoggend 0,1% laer verhandel.

Die Oekraïne/Rusland-konflik gee steeds onderliggende steun aan koringkontrakpryse. Die Julie/Augustus-periode sal 'n uitkykpunt wees vir langtermyn koringkontrakpryse. Wêreldwye produksietoestande wek kommer oor globale koringvoorraad. Meer spesifiek droë toestande in die EU en die VSA. Droë toestande in Spanje, Frankryk en Kanada verleen bykomende ondersteuning as gevolg van moontlike opbrengsverlagings.

Die binnelandse koringkontrakte het Maandag aansienlik sterker verhandel. Die plaaslike koringmark het vir lewering in Julie 2022 met R150/ton (+ 1,88%) hoër verhandel om uiteindelik te sluit op R8 120/ton. Die Desember 2022 koringkontrak het met R190/ton (+ 2,63%) hoër verhandel om uiteindelik te sluit op R7 410/ton. Koringinvoere vir die week geëindig 3 Junie het 39 150 ton beloop. Die kumulatiewe totaal van koringinvoer vir die 2021/22-bemarkingsjaar beloop 1 110 038 ton. Die totale koringinvoer vir die 2021/22-bemarkingsjaar maak 75% van die beraamde invoer uit. Dit is voor die vorige seisoentempo van 68% en die vyfjaargemiddelde van 57%.

Vir meer inligting oor die huidige kommoditeits mark, besoek gerus Graan SA se webtuiste.

OFM-nuus