Mielies:

• Die CBOT-mieliekontrakprys vir die naaste handelsmaand het die naweek met 'n skamele 0,21% gestyg.
• Droogte in Argentinië dien op die oomblik as die bullish faktor vir globale mieliemarkte. Winste sal egter waarskynlik beperk word deur goeie Brasiliaanse oesvooruitsigte sowel as kommer oor Chinese vraag. 
• Die mark het baie op die droogte in Argentinië gefokus, maar vandeesweek begin hulle fokus op die baie goeie toestande vir die grootste deel van Brasilië waar beide mielie- en sojaboonproduksie na verwagting rekordoeste sal lewer.
• Die plaaslike SAFEX-mieliekontrakte het Maandag met afwaartse tendense verhandel vir beide wit- en geelmieliekontrakte. 
• Die witmieliemark het vir lewering in Januarie 2023 met R73/ton (-1,54%) gedaal en teen R4 675/ton gesluit. Die geelmieliemark het vir lewering in Januarie 2023 met R38/ton (-0,83%) laer verhandel om teen R4 538/ton te sluit.
• Tans verhandel die naby maand mieliekontrakte onder die Amerikaanse en Argentynse uitvoerpariteit.

 Sojaboon:

• Die CBOT-sojaboonkontrakprys vir die naaste kontrakmaand het sedert Vrydag met 2,37% gestyg.
• Die voortslepende droogte in Argentinië sal steeds markbewegings beïnvloed. Langtermyn, ten spyte van die droogte in Argentinië, sal die algehele Suid-Amerikaanse oeste waarskynlik enige groot winste beperk.
• Die binnelandse sojaboonkontrakte het Maandagoggend met gemengde tendense verhandel. Die plaaslike sojaboonmark het vir lewering in Januarie 2023 met R60/ton (-0,58%) gedaal en teen R10 330/ton gesluit.
• Tans verhandel die naby maand sojaboonkontrakte bo die Amerikaanse, Brasilië en Argentynse uitvoerpariteit.

Koring:

• Die CBOT-koringkontrakprys vir die naaste handelsmaand het sedert Vrydagaand met 0,63% laer verhandel.
• Die moontlike impak van die uiterste toestande in die VSA op vanjaar se oes bly 'n uitkykpunt vir markte. 
• Russiese uitvoer, wat mededingend geprys is, sal egter steeds druk op globale koringmarkte plaas. EU-markte is onder druk van die vooruitsigte van verhoogde Russiese koringuitvoer. 
• In sy jongste skattings Vrydag het Sovecon sy volle seisoen Russiese koringuitvoervoorspelling verhoog. Russiese koring prys steeds aggressief op die uitvoermark.
• Die binnelandse koringkontrakte het Maandag met afwaartse tendense verhandel. 
• Die Januarie 2023 koringkontrak het met R28/ton (-0,42%) laer verhandel om uiteindelik te sluit op R6 673/ton.  
• Tans verhandel die naby maand koringkontrakte onder die Russiese-, Duitse en Argentynse invoerpariteit.

Vir meer inligting oor die huidige kommoditeitsmark, besoek gerus Graan SA se webtuiste. 

OFM-nuus