Agriculture
Volhoubare Merino oorheers tydens 12de wolveiling─── ELSABÉ RICHARD 15:22 Fri, 10 Nov 2023
Die volgende wolveiling is vir 15 November geskeduleer waar sowat 9 991 bale aangebied sal word.
Die twaalfde veiling van die 2023/24-wolseisoen het vandeesweek plaasgevind met 8 587 bale, nadat 1 147 voor die verkoping onttrek is.
Volgens Cape Wools SA het die aanbieding oorwegend bestaan uit goeie lengte, fyn mikronwol, met 56% van die Merino-aanbod wat as volhoubaar gesertifiseer is.
Juan Venter, OVK-junior wolwaardeerder, sê die Cape Wools Merino-aanwyser het met 0,9% vir nie-RWS en 1,3% vir RWS wol gedaal teenoor die vorige veiling en op 'n skoonprys van R145,79/kg en R162,06/kg onderskeidelik gesluit.
“Op die OVK-veiling is 2 191 bale aangebied waarvan 93,98% verkoop is.
“Die hoogste prys op die OVK-veiling van R159,10/kg (skoonprys R210,78/kg), is behaal vir ‘n 1 baal lot BH van 16.6 mikron uit die skeersel van JANAR Boerdery van die Trompsburg-distrik. Die koper was Stucken SA,” sê Venter.
Kontak OVK om jou by te staan in die RWS-sertifiseringsproses.
Die volgende wolveiling is vir 15 November geskeduleer waar sowat 9 991 bale aangebied sal word.
