Dit is 19 850 t. of 0,14% minder as die vorige skatting, maar steeds 13,96% hoër as die 2024-oes.

Die verwagte gemiddelde opbrengs vir mielies is 5,64 t. per hektaar. Die Vrystaat, Mpumalanga en Noordwes sal na verwagting saam 81% van die mielieoes lewer.

Witmielies laer; geelmielies hoër

Die witmielieoes word tans op 7,648 miljoen t. beraam, 1,40% laer as die vorige skatting. Die geskatte oppervlakte vir witmielies is 1,6 miljoen ha teen ’n verwagte opbrengs van 4,78 t/ha.

In teenstelling hiermee is die skatting vir geelmielies met 1,28% verhoog tot 6,996 miljoen t. op ’n oppervlakte van 997 000 ha en ’n verwagte opbrengs van 7,02 t/ha.

Die opbrengssyfers vir die Vrystaat en Noordwes is gebaseer op wetenskaplike data deur die Landbounavorsingsraad (LNR) verskaf.

Ander gewasse

Die sonneblomsaadproduksie is met 2,02% verlaag tot 727 800 t. Die oppervlakte bly op 555 700 ha, met ’n gemiddelde opbrengs van 1,31 t/ha.

Sojabone bly onveranderd op 2,331 miljoen t. met ’n oppervlakte van 1,151 miljoen ha en opbrengs van 2,03 t/ha. Grondbone is effens afwaarts aangepas tot 63 510 t., terwyl sorghum op 137 970 ton bly. 

Droëbone toon ’n effense styging van 1,24% na 71 415 t. teen ’n opbrengs van 1,57 t/ha. Die vyfde produksieskatting vir 2025 word op 27 Junie vrygestel.

OFM Agri mvh