Francois Marais het uitgebreide plaaslike en nasionale ervaring. Hy keer terug met meer as 25 jaar se uitvoerende leierskapervaring in landbou, meganisasie en industriële toerusting.

Sy aanstelling bring hom terug na die organisasie waar sy loopbaan begin het. Marais het deur sy loopbaan ’n sterk rekord opgebou in die bevordering van kommersiële groei, die leiding van strategiese verandering en die bou van suksesvolle organisasies.

Senwes streef na uitnemende aanstellings en personeel wat kliënteverhoudings versterk. Foto: Senwes

Marais het sake-uitbreiding oor Suider- en Oos-Afrika heen suksesvol gelei, volgehoue omsetgroei bewerkstelling, uitgebreide handelaarsnetwerke ontwikkel en langtermynwaarde deur sterk kommersiële en bedryfsleierskap geskep.

Hy is bekend vir sy vermoë om strategie in meetbare sake-resultate om te skakel, sterk kliënteverhoudings te bou en spanne te ontwikkel wat volhoubare resultate lewer, sê Senwes.

Nadat sy loopbaan in 1996 by Senwes begin het, het Marais al verskeie rolle in meganisasie en onderdelebestuur beklee. As nuutaangestelde besturende direkteur van meganisasie sal hy verantwoordelik wees vir die versterking van kliënteverhoudings en die versekering van bedryfsuitnemendheid dwarsoor die onderneming.

OFM Agri  sm

• Deel jou landbounuus: agri@ofm.co.za.