Volgens die Mirror is die motoris voorgekeer nadat dit geblyk het dat sy passasier eintlik 'n lewensgrootte opblaasbare Grinch-pop was. Hoewel die polisie die snaakse kant daarvan ingesien het, is hy steeds beboet omdat hy onwettig in 'n baan vir hoë-besettingsvoertuie gery het.

'n Woordvoerder het later 'n verklaring belaai met woordspelings vrygestel, wat lui: "Verlede week het 'n Arizona-polisielid 'n motoris in die baan vir hoë-besettingsvoertuie met 'n Seuss-pisieuse passasier in s motor opgemerk". 

"Die polisielid het die motoris voorgekeer en vasgestel die norse groen ou in die passasiersitplek was in werklikheid 'n opblaasbare Grinch. Geen ander passasiers nie.

“Terwyl ons die feestelike flair waardeer, is dit onwettig en die bestuurder het ’n boete vir die oortreding ontvang.

"Met ekstra verkeer op paaie hierdie tyd van die jaar, maak seker dat jy die wet verstaan. Moenie met 'n Grinch gevang word nie!"

In Arizona is bane vir hoë-besettingsvoertuie 'n kalmerende verkeersmaatreël en word gebruik om die hoeveelheid motors op die pad te probeer verminder. 

Lees meer hier.