Wêreldwyd gebruik regerings verskillende metodes om hul burgers veilig te hou. In die meeste Europese lande word waarskuwings na die selfone van elke burger gestuur tydens 'n nasionale noodgeval.

Brittanje het besluit om sy waarskuwing die afgelope naweek te toets, met 'n paar baie kommerwekkende foute.

Volgens ladbible.com, tensy jy een van 'n uitgesoekte groep mense in Brittanje is, wat blykbaar almal een ding gemeen het, sou jy waarskynlik Sondagmiddag 'n skrikwekkende alarm op jou selfoon gehad het.  Die regering was besig om 'n noodwaarskuwingsboodskapstelsel te toets, en dit is aan al die burgers gestuur.

Die stelsel se doel is om inligting te stuur oor gevaarlike gebeure soos oorstromings, veldbrande of terreuraanvalle.  Die Arbeidersregering het dit 2013 ingestel, en hierdie toets het Sondag bewys dat die stelsel grotendeels werk.

Die nuwe Britse adjunkpremier, Oliver Dowden, sê dat die waarskuwing die 'klank is wat jou lewe kan red'. Hy is verlede week in die pos aangestel nadat Dominic Raab bedank het weens bewerings van afknouery.

"Om hierdie stelsel met die nasionale toets in werking te kry, beteken dat ons nog 'n instrument het om die publiek veilig te hou in lewensgevaarlike noodgevalle.

Dowden het Sondag op die BBC gesê: "Dit kan 'n bietjie ongerieflik en irriterend wees.

"Ek dink mense sal in die toekoms dankbaar wees dat ons die stelsel getoets het."

Lees ook: Weird Wide Web - Kansel ‘trek’ van kerk na kameeldoringboom

By die Euston-stasie in Sentraal-Londen, het dit geklink of ‘n kernaanval op pad was, omdat dit so spookagtig geklink het.
Dit is waaruit nagmerries bestaan, nie waar nie?

As jy nie die boodskap gekry het nie, of nie die moeite gedoen het om dit te lees voordat jy dit uitgewis het nie, het dit gekom met 'n boodskap wat lees: "Dit is 'n toets van Emergency Alerts, 'n nuwe Britse regeringsdiens wat jou sal waarsku as daar 'n lewensgevaarlike noodgeval is.

Beeldmateriaal: www.richardfuller.co.uk

"In 'n werklike noodgeval, volg die instruksies in die waarskuwing om jouself en ander veilig te hou.

"Besoek gov.uk/alerts vir meer inligting.
"Dit is 'n toets. Jy hoef niks te doen nie."
Kom ons hoop dit sal nooit nodig wees nie.