Maar eerder as om hul gunsteling koppie vir hul oggendtee, of al die batterye uit die afstandbeheerders te steel, wat van ’n absolute noodsaaklike stuk toerusting waaraan die meeste mense waarskynlik nie eens sou dink nie? Wel, gelukkig kan jy ’n vreemde storie lees oor ’n eks wat presies dit gedoen het.

’n Vrou het vertel hoe haar eks-kêrel haar toilet gesteel het, sodat sy na Taco Bell moes hardloop elke keer wat sy toilet toe moes gaan. Ek weet nie of ek daaroor sou lag of huil nie.

Ek dink egter nie sy het gelag toe haar loodgieter-eks haar porseleintroon gesteel het nie. Dit het in elk geval alles begin toe die vrou die verhouding verbreek het omdat hy nie sy deel van die huur of die diensheffing betaal het nie.

Kort ná hul argument het sy in die slaapkamer gaan lê sodat hy sy goed kon inpak. Sy het egter per ongeluk aan die slaap geraak.

Lees ook: What's on the menu – Halloumi-platbrood

Toe sy wakker word het sy met ’n skok besef wat hy besluit het om te steel.

In ’n Reddit-plasing het sy gesê: “Ek en my kêrel is gister uitmekaar. Ek het aan die slaap geraak terwyl hy besig was om te pak, en hy het my toilet gesteel. Hy is ’n gelisensieerde loodgieter, so hy het geweet wat hy doen. Ek sal nie lieg nie. Ek het ook daaroor gelag. Elke toiletbreuk word net meer en meer interessant.”

Sy het bygevoeg: “Niks omtrent hom maak sin nie. [Hy is] die goedkoopste m*r f*r wat ek nog ooit ontmoet het. Hy weier om by restaurante fooitjies te gee, want dit is hoe hulle dit in Japan doen (volgens hom); en hy het nie help betaal aan die kragrekening vir die hele tyd wat ons saam gewoon het nie.”

As gevolg van die feit dat dit die enigste toilet was om te gebruik, moes sy uiteindelik na haar plaaslike Taco Bell hardloop in geval van ’n nood, maar ek bedoel ... dit is Taco Bell. Dink aan die kos wat jy kan bestel.

Gelukkig het sy in ’n japtrap nog ’n loodgieter in die hande gekry om vir haar ’n nuwe toilet in te sit.

Een gebruiker het op haar plasing kommentaar gelewer: “Dit is skreeusnaaks – ek is so jammer oor die opbreek en die verlies van ‘n toilet, maar dit is so vreemd dat dit snaaks is. Hy het dit ten minste baie skoon verwyder.”

’n Ander gebruiker het gesê: “Jy kan darem nou daardie kol op die muur verf.”

’n Derde gebruiker het bygevoeg: “Die polisie is ontbied, hulle het die gat in die badkamer gesien en daarin gekyk. Intussen het hulle niks wat hulle kan opvolg nie.”

Nog een het bygevoeg: “Die toiletpapier lyk bietjie oorbodig ...”

Lees meer