Offbeat
Weird Wide Web – Onderwyseres weier mediese toets ná 16 jaar siekverlof!─── 15:13 Thu, 11 Sep 2025
’n Duitse onderwyseres wat vir 16 jaar lank met siekverlof was, het haar werkgewer gedagvaar toe daar ’n eenvoudige versoek aan haar gestel is.
’n Onderwyser in Duitsland het daarin geslaag om vir byna twee dekades met siekverlof te bly – terwyl sy haar volle salaris ontvang het. Verslae skat dat sy gedurende dié tyd meer as €1 miljoen, of sowat R21 miljoen, verdien het.
Jare lank het sy maandelikse mediese notas ingedien, maar haar toestand is nooit onafhanklik geverifieer nie.
Toe die nuwe skoolleierskap haar onlangs vra om ’n behoorlike mediese ondersoek te ondergaan, het sy geweier – en eerder haar werkgewer hof toe gesleep.
LEES OOK: Fauresmith se Spoorfees bied in Oktober iets vir almal en nooi jou om te kom kuier!
Die hof was nie oortuig nie. Die regter het haar saak as “werklik onbegryplik” beskryf en haar gelas om haar eie regskoste van €2 500 (R51 172) te betaal.
Berigte beweer sy het selfs ’n mediese opstartonderneming begin terwyl sy amptelik siek was. Die saak het reeds regoor Europa wenkbroue laat lig, met baie wat wonder hoe so ’n situasie vir soveel jare kon voortduur.
OFM Nuus mvh
