Offbeat
Weird Wide Web – Hul skei, en hy betaal onderhoud vir katte!─── 15:46 Mon, 27 Oct 2025
“Man betaal onderhoud vir katte ná egskeiding.” Hier’s een vir die katboek van wêreldrekords!
’n Man in Istanboel, Turkye, het ingestem om “katte-onderhoud” te betaal ná sy egskeiding – ja, jy hoor reg! As deel van hul egskeidingskikking gaan Bugra B. elke drie maande 10 000 Turkse lira (ongeveer R7 000) aan sy eksvrou, Ezgi B., betaal vir die versorging van hul twee katte.
Die paartjie het besluit dat hul paaie moet skei weens “ernstige onversoenbaarheid”, maar pleks daarvan om oor geld of bates te baklei, het hulle ’n interessante reëling getref: Die katte bly by Ezgi, en Bugra sal aanhou help betaal vir hul kos, veearts en luukses – vir tot tien jaar lank!
Die ooreenkoms bepaal selfs dat die bedrag jaarliks aangepas sal word volgens Turkye se inflasiekoers – seker die mees purr-fekte vorm van onderhoud ooit!
In Turkye noem mense dit nou ’n “nuwe soort alimentasie”, en dit kan dalk die toekoms van troeteldier-versorging ná egskeidings verander.
So, as jy ooit sê jy deel alles met jou maat – maak seker jy bedoel alles, selfs die pelskinders!
OFM Nuus cvs
