Op 15 November het dinge tot stilstand gekom in ’n winkelsentrum in Baotou in Mongolië, toe 240 mense bymekaargekom het vir een van die vreemdste kompetisies wat China nog gesien het: ’n “lê plat”-kampioenskap. Die geleentheid is geïnspireer deur China se gewilde “lê plat”-beweging, ’n leefstylrigting waar mense die konstante jaag na sukses en samelewingsdruk opsy skuif en eerder kies vir minder stres en minder inspanning. 

Die reëls was eenvoudig:

• Bly so lank as moontlik op ’n matras lê.
• Deelnemers kon hul selfone gebruik, eet, lees of rondrol, maar hulle moes bly lê.
• Geen opstaan nie, nie eens vir die badkamer nie.
• Die laaste persoon wat nog lê, wen.

Daar was geen tydsbeperking nie en dinge het vinnig ernstig geraak. Binne die eerste 24 uur het 186 deelnemers reeds uitgesak. 

Die oorblywendes het gaandeweg al strenger reëls aanvaar soos die ure aangestap het. Teen 33 uur en 9 minute was daar net drie deelnemers oor. 

Twee minute later het nóg een uitgeval. Die finale twee het meer as 20 minute vasgebyt totdat die laaste uitdager uiteindelik teen 33 uur en 35 minute tou opgegooi het.

En ja … volgens Chinese media het die wenner en baie ander deelnemers luiers gedra om diskwalifikasie te vermy. Toewyding van die hoogste orde.

Pryse is as volg toegeken:

• Wenner: 3 000 yuan (ongeveer R7 300)
• Tweede plek: 2 000 yuan (ongeveer R4 900)
• Derde plek: 1 000 yuan (ongeveer R2 450)

Die kompetisie was ’n reusetreffer. Tientalle miljoene mense het vir die volle 33 uur en 35 minute ingeskakel. 

Dit wys maar net dat die internet soms eenvoudig mal is oor mense wat absoluut niks doen nie.

Lees meer mvh