’n Gebruiker genaamd Glubux op die Second Life Storage-forum het byna ’n dekade lank ou skootrekenaarbatterye versamel en dit aan sonpanele gekoppel om heeltemal selfonderhoudend te word met elektrisiteit. In 2016 skryf hy: “Ek produseer reeds ’n deel van my eie krag. 

“Ek het 1,4 kW se sonpanele op die dak, ’n ou 24 V 460 AH vurkhyserbattery, Victron-beheerders en ’n 3 KVA-omsetter. Ek het begin om skootrekenaarbatterye te versamel. Ek het so 650 tot dusver.”

Dit was net die begin. Mettertyd het hy meer as 1 000 gebruikte skootrekenaarbatterye bymekaargemaak wat hy in ’n aparte stoor 50 meter van sy huis af geïnstalleer het.

Aanvanklik het die batterye ongelyk ontlaai. Sommige selle het vinniger leeggeraak as ander. Hy het hulle uitmekaar gehaal en in sy eie pasgemaakte batteryrakke-hersamestel.

Volgens Scienceclock werk sy stelsel nou al agt jaar sonder onderbreking en hier is die ongelooflike deel: nie ’n enkele battery-sel het tot dusver gefaal nie. Selfs professionele stelsels kan dit nie altyd sê nie.

Geduld en passie

Namate hy meer sonpanele bygevoeg het, het sy energiekapasiteit gegroei van 7 kWh tot ’n reuse 56 kWh. 

Wat die DIY-gemeenskap die meeste beïndruk, is hoe doeltreffend die selfgeboude stoorstelsel werk en hoe dit wys watter potensiaal daar skuil in die hergebruik van ou elektronika eerder as om dit weg te gooi.

Byna tien jaar later het sy stokperdjie ’n bewys geword van wat volhoubaarheid kan wees, gedryf deur geduld, passie en hope ou skootrekenaars.

Lees meer