Tarou het reeds op driejarige ouderdom begin videospeletjies speel, maar toe hy Fortnite op vyf ontdek, het alles verander. Binne ’n paar jaar het hy professionele spelers geklop – en selfs sy eie pa verbygesteek.

In 2020 het sy ouers hom gehelp om ’n YouTube-kanaal te begin, wat nou meer as 230 000 intekenare het. 

Onlangs het Tarou op dié kanaal aangekondig dat hy formele skool verlaat om op sy e-sportloopbaan te fokus, met een droom: om vir die Fortnite Wêreldbeker te kwalifiseer.

LEES OOK: Weird Wide Web – LG onthul mensagtige huisrobot wat ’n ‘nul-arbeid’-toekoms belowe

In plaas daarvan om hom te probeer oorreed om in die skool te bly, ondersteun sy ouers sy besluit ten volle. Sy pa sê skool sou hom net uitput en keer dat hy op sy natuurlike talent fokus – intense konsentrasie en deursettingsvermoë.

En dit klink nie oordryf nie: volgens sy pa het Tarou al Fortnite vir 28 uur aaneen gespeel – sonder om eens badkamer toe te gaan.

Hoewel sy ouers erken daar is risiko’s, glo hulle dit is die regte pad vir hul seun. Sosialemediagebruikers in Japan stem egter nie saam nie.

Sommige gebruikers meen e-sport bied wel werklike loopbaangeleenthede. Ander waarsku dat hy belangrike tienerervarings misloop.

Een kommentaar som dit só op: “Skool is vir vriende en herinneringe – nie net vir games nie.”

Lees meer