Het jy al gewonder hoekom jou hond jou na die badkamer volg asof dit ’n topgeheime sending is? ’n TikTok-video wat meer as 400 000 keer gekyk is, het dalk die raaisel opgelos.

Die video, gedeel deur gebruiker @unhide, stel voor dat honde hul eienaars weens instink volg – hulle staan wag terwyl jy op jou “kwesbaarste” is. Volgens die teorie probeer jou harige metgesel jou beskerm teen denkbeeldige gevare en kanaliseer hy sy innerlike wilde dier.

Reaksies het dit vinnig beaam. 

Een persoon skryf: “Ja! Sy wag altyd by my badkamerdeur.” ’n Ander sê: “As ek die deur toemaak, druk hy dit oop en lê op die vloer totdat ek klaar is.” 

Ander meen dis bloot skeidingsangs – die hond wil nie van jou geskei wees nie, selfs nie vir ’n minuut nie.

Kenners van RSPCA huisdiereversekering sê daar is meer as een rede vir hierdie gedrag. Honde is sosiale diere wat menslike teenwoordigheid geniet. 

Om jou selfs badkamer toe te volg, kan ’n teken van gehegtheid en liefde wees. Hulle kan ook reageer op onsekerheid, siekte of angs, of roetines voorsien soos uitstappies of etes.

Die volgende keer wanneer jou hond jou aanstaar terwyl jy … uhm … jou besigheid doen, onthou: hy wag óf lojaal soos ’n wagter … óf hy wil net nie kos misloop nie.

Lees meer