Chen Qin, ’n 25-jarige van Enshi, staan bekend as ’n “menslike 3D-drukker” danksy haar unieke talent om ingewikkelde beeldjies uit wortels te kerf – met haar tande.  Ja, dis reg; geen gereedskap nie, geen messe nie … net haar tande.

Chen het haar talent heeltemal per ongeluk ontdek. Terwyl sy verlede jaar tydens 'n Lentefees aanlyn gestroom het, het sy aan ’n wortel geknaag en begin speel met die vorm daarvan. Kykers was mal daaroor – en so is ’n dié ongewone stokperdjie gebore.

Sy het ook ander groente soos radyse probeer, maar dit het nie lekker met haar maag saamgewerk nie. Wortels het egter perfek gewerk stewig; helder oranje en ideaal vir tand-beeldhouwerk.

Wanneer sy haar eetbare kunswerke maak, begin sy sommer met die wortel soos dit is. Sy gebruik hoofsaaklik haar voortande, en soms haar slagtande, en werk stadig en versigtig om die fyn detail te vorm – alles gegrond op gevoel en ervaring.

En dis nie net eenvoudige vormpies nie.  Sy het al meer as 100 wortelkunswerke gemaak, insluitend miniatuur weergawes van die Great Wall of China en die Yellow Crane Tower – volledig met klein torings en mure.

Lees ook: Turning pre-loved into new hope: Street Store Bloemfontein 2026

En haar tande?  Chen sê sy kyk mooi daarna; minder suiker, geen gaskoeldrank, twee keer per dag borsel, en sy spoel haar mond na etes. Sy neem ook ruskanse, en sy erken dat haar tande soms sensitief raak na lang sessies.

En niks word gemors nie; haar kunswerke word in kos gebruik, en afvalstukkies word vir diere gevoer.

So volgende keer as iemand sê jy moenie met jou kos speel nie … onthou net, jy kan dalk jou volgende talent ontdek!

Lees meer