Malta, amptelik Europa se kleinste land, het ’n groot uitdaging: te veel motors en meedoënlose verkeersopeenhopings. In reaksie hierop het die regering ’n gewaagde en ongewone plan bekendgestel: hulle bied mense geld aan om heeltemal op te hou bestuur.

Die inisiatief, bekend as die Rybewys-inleweringskema, is daarop gemik om veral jonger bestuurders aan te moedig om vir tot vyf jaar van die paaie af te bly, voordat bestuur ’n langtermyngewoonte word.  

Kwalifiserende deelnemers kan tot €25 000 (byna R500 000) verdien deur bloot hul rybewys in te lewer en te onderneem om van die pad af te bly. Die bedrag word jaarliks in paaiemente van €5 000 uitbetaal.

Daar is egter ’n voorwaarde: as deelnemers besluit om weer motor te bestuur voordat die vyfjaarperiode eindig, moet ’n gedeelte van die geld terugbetaal word.  Om in aanmerking te kom, moet aansoekers jonger as 30 wees, vir ten minste sewe jaar in Malta gewoon het, en vir minstens ’n jaar ’n geldige rybewys met ’n skoon bestuursrekord gehad het.

Lees ook: Feel Good Friday - Vernedering het in hoop verander

Die regering het €5 miljoen per jaar aan die program toegeken, wat ongeveer 1 000 mense toelaat om jaarliks deel te neem. Vroeë belangstelling dui op 'n sterk vraag. Dit lyk asof finansiële aansporing vir sommige swaarder weeg as die gerief van bestuur.  Daar is ook ’n bykomende kinkel: sodra ’n lisensie teruggegee word, word dit ten volle opgeskort. Na die vyfjaarperiode sal deelnemers weer bestuurslesse moet neem voordat hulle agter die stuurwiel mag inklim.

Die eindelike doelwit? Om die aantal voertuie op die pad te verminder, verkeersopeenhopings te verlig en luggehalte te verbeter.

Lees meer sm