Dit is geskep deur China se grootste peuselhappie-kettingwinkelgroep, Mingming Henmang, en dit is regtig uitsonderlik. Ons praat van 12 000 vierkante meter … gevul met meer as 35 000 verskillende happies van meer as 6 500 handelsmerke wêreldwyd.

En dis nie net ’n winkel nie – dis ’n ervaring.  Besoekers stap in deur ’n kleurvolle “snack-gang” met glasuitstallings vol lekkernye wat jou ’n voorsmakie gee van wat wag. Een van die grootste trekpleisters? Die “Instant Noodle City”.

Hier is meer as 3 500 verskillende kitsnoedels – van bekende gunstelinge tot skaars, unieke geure van dwarsoor die wêreld.  Dan is daar ook die cola-afdeling – met rakke vol drankies van sowat 20 lande.

Benewens bekende handelsmerke soos Coca-Cola en Pepsi, kan jy ook vreemde opsies kry … soos sout-cola. Maar hier is die probleem, die winkel is só gewild dat hulle sukkel om by te hou.

Net twee dae na sy opening moes verkope tydelik gestaak word om voorraad aan te vul, rye te bestuur en stelsels op te gradeer.

Goeie nuus is mense kan steeds instap, rondkyk en foto’s neem. En asof dit nie genoeg is nie, Changsha het ook nog ’n yslike groot winkel waar jy reuse weergawes van gewilde produkte kan koop – soos enorme skyfies, reuse Oreo-koekies en groot kitsnoedels.

Lees meer sm