Op driejarige ouderdom is outisme by Jason gediagnoseer. Dokters het destyds vir sy familie gesê hy sou waarskynlik nooit normaal kan praat of loop nie. 

Jason het geweier dat dit sy lewe bepaal en sy grootste passie was basketbal. Op hoërskool in New York was hy die span se bestuurder en het elke oefening en wedstryd met oorgawe ondersteun.

In 2006 besluit die afrigter om hom die laaste vier minute van ’n wedstryd te laat speel. Wat daarna gebeur het, het sportgeskiedenis geword.

Jason het 20 punte in net vier minute aangeteken. Die toeskouers was in ekstase en die video het wëreldwyd opslae gemaak. J-Mac het oornag ’n inspirasie geword en ook ’n ESPY-toekenning vir sy ongelooflike prestasie ontvang.

Vandag rig hy basketbal af by ’n hoërskool, is ’n ywerige langafstandatleet, skrywer en motiveringspreker. Hy moedig veral mense op die outismespektrum aan om in hulself te glo en nooit moed op te gee nie.

J-Mac se storie is ’n bewys as iemand in jou glo kan een kans jou lewe vir altyd verander. 

Lees meer dg